Si u shpëtua turisti që theu këmbën në Kanionin e Gjipesë?

HIMARË — Një çift turistësh u shpëtua të dielën pasi mbeti i bllokuar në Kanionin e Gjipesë, ku burri theu këmbën. Ndërhyrja u krye nga zjarrfikësit e Himarës, policia dhe ekipi i urgjencës mjekësore të spitalit vendor.

Sipas kryetarit të Bashkisë së Himarës, Vangjel Tavo, ekipe të shumta u nisën në vendngjarje pas njoftimit. Turisti i plagosur u transportua në spital për mjekim, ndërsa shoqja e tij u nxor e padëmtuar nga kanioni.

Tavo theksoi se Kanioni i Gjipesë është një zonë me rrezik të lartë, ku aksidente të tilla kanë ndodhur edhe më parë. Ai bëri apel për vizitorët të shmangin zonat e pashenjuara dhe të përdorin guida për të parandaluar pasoja të rënda.

Burim: Shqiptarja — Redaksia ZHURMA