پاکستان کی وزارت مذہبی امور نے عازمین حج پر زور دیا ہے کہ وہ حج ویزے کے لیے لازمی سعودی بائیو میٹرک تصدیق آٹھ فروری تک مکمل کر لیں جب کہ حج کے عمل کی سخت نگرانی کے بعد 2026 کے حج کی تیاریاں بھی تیزی سے جاری ہیں۔

سعودی عرب نے حج 2026 کے لیے پاکستان کو ایک لاکھ 79 ہزار 210 عازمین کا کوٹہ دیا ہے، جس میں سے زیادہ تر نشستیں سرکاری سکیم کے تحت اور باقی پرائیویٹ ٹور آپریٹرز کے لیے مختص ہیں۔

گذشتہ سال بڑے پیمانے پر شکایات کے بعد پرائیویٹ حج آپریٹرز کے لیے ضوابط سخت کر دیے گئے ہیں اور ان کا کوٹہ کم کر دیا گیا ہے، کیوں کہ گذشتہ برس ہزاروں عازمین پرائیویٹ حج سکیم کے تحت سفر نہیں کر سکے تھے۔

پاکستانی وزارت مذہبی امور نے گذشتہ ماہ کہا تھا کہ حج ویزے کے اجرا کے لیے سعودی بائیو میٹرک تصدیق لازمی ہے اور عازمین کو اسے ’سعودی ویزا بائیو‘ ایپ کا استعمال کرتے ہوئے گھر پر ہی مکمل کرنا چاہیے۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

ریڈیو پاکستان نے وزارت مذہبی امور کا حوالہ دیتے ہوئے رپورٹ کیا کہ ’بائیو میٹرک کے بغیر حج ویزے جاری نہیں کیے جائیں گے، تاہم 80 سال سے زائد عمر کے عازمین بائیو میٹرک سے مستثنیٰ ہیں۔‘

پاکستان بدانتظامی کو کم کرنے کی کوششوں کے حصے کے طور پر حج 2026 سے قبل عازمین کے لیے ڈیجیٹل اور طریقہ کار کے تقاضوں پر بتدریج عمل درآمد کر رہا ہے، جن میں لازمی تربیتی سیشنز، بائیو میٹرک چیکس اور موبائل ایپلی کیشنز کا زیادہ استعمال شامل ہے۔

وزارت مذہبی امور کے مطابق جو عازمین موبائل ایپلی کیشن کے ذریعے بائیو میٹرک تصدیق مکمل کرنے سے قاصر رہے، وہ آٹھ فروری سے پہلے نامزد سعودی ’تاشیر‘ سینٹرز کا دورہ کریں۔

ان مراکز کی تفصیلات پاکستان کی سرکاری حج موبائل ایپلی کیشن پر دستیاب ہیں۔ مزید کہا گیا کہ عازمین حج کی سہولت کے لیے تاشیر سینٹرز آج اور اتوار کو صبح نو بجے سے شام پانچ بجے تک کھلے رہیں گے۔

حج 2026

حج

روڈ ٹو مکہ

مدینہ

پاکستانی وزارت مذہبی امور کے مطابق جو عازمین موبائل ایپلی کیشن کے ذریعے بائیو میٹرک تصدیق مکمل کرنے سے قاصر رہے، وہ آٹھ فروری سے پہلے نامزد سعودی ویزا سینٹرز پر جائیں۔

انڈپینڈنٹ اردو

ہفتہ, فروری 7, 2026 - 14:30

Main image:

ایک سعودی افسر 15 مئی 2025 کو کراچی میں جناح انٹرنیشنل ایئرپورٹ پر مکہ روٹ امیگریشن کاؤنٹر پر حج کے لیے جانے والی خاتون کو پاسپورٹ واپس کر رہی ہیں (سعودی پریس ایجنسی)

پاکستان

type:

news

related nodes:

پاکستان اور سعودی عرب کے درمیان حج 2026 کے انتظامات کا معاہدہ طے

پاکستانی عازمین عمرہ و حج کے اخراجات میں کمی، سعودی کنسورشیم کا 5 کروڑ ڈالر فنڈ

2025 میں 75 فیصد حجاج کو ساڑھے تین ارب روپے واپس کیے گئے: وفاقی وزیر

عازمین حج کے لیے انتظامات آخری مراحل میں: وفاقی وزیر

SEO Title:

پاکستانی عازمین کو آٹھ فروری تک سعودی بائیو میٹرک مکمل کرنے کی ہدایت

copyright:

show related homepage:

Hide from Homepage