Rosenior gæti verið að landa áhugaverðu starfi

Liam Rosenior er í formlegum viðræðum við Paris FC um að taka við sem knattspyrnustjóri félagsins samkvæmt upplýsingum frá félagaskiptasérfræðingnum Fabrizio Romano. Rosenior á að hafa rætt tveggja ára samning við franska félagið, sem leitar að eftirmanni Antoine Kombouaré á varamannabekknum. Viðræður eru sagðar á lokastigi en enn á eftir að ganga frá smáatriðum, meðal annars um möguleika á eins árs framlengingu á samningnum. Paris FC bindur vonir við að ná samkomulagi á næstu dögum og fá Rosenior til starfa fyrir undirbúning nýs tímabils.