Cara a cara #715. Boticaria García con 'Mujeres de hierro'

Marián García, coñecida como Boticaria García, xunto con Javier Butragueño publican 'Mujeres de hierro'. Un manual dirixido a mulleres en perimenopausa e menopausa que inclúe un compendio de hábitos para manter a saúde integralmente nesta etapa vital. Da A á Z, respostas e recomendacións a vinte e sete preguntas como: por que me saíu barriga?, por que salto á mínima?, pódese frear a osteoporose?, por que xa non me apetece?, onde teño a cabeza?... Explicacións ante os cambios no sistema metabólico feminino e propostas a aplicar na alimentación, o exercicio físico, o descanso e a vida social. Marián García, fala neste episodio do podcast 'Cara a cara'. É doutora en Farmacia, graduada en Nutrición e Dietética, Óptica e Optometría. Dedícase á divulgación e é colaboradora habitual de televisión, radio e prensa. Javier Butragueño é doutor en Ciencias da Actividade Física e do Deporte e especialista en exercicio aplicado á obesidade, o metabolismo e a saúde da muller.