Cilët lojtarë largohen nga Malisheva para ndeshjes me Vllazninë?

MALISHEVË — Nënkampionët e Kosovës, Malisheva, njoftuan largimin e shtatë lojtarëve nga skuadra, përmes një njoftimi në faqen e tyre zyrtare. Klubi po përgatitet për ndeshjen në Conference League, ku do të përballet me Vllazninë e Shkodrës.

Lojtarët e larguar janë Ilir Rexha, Rilind Hetemi, Arbër Shala, Riad Jashari, Arian Telaku, Agustin Rojas dhe Tiago Gomes. Malisheva i falënderoi për kontributin, duke shkruar: "Ishte kënaqësi t'ju kemi pjesë të familjes sonë. Ju falënderojmë për çdo ndeshje, çdo sakrificë dhe çdo moment të ndarë së bashku. Ju urojmë shëndet, suksese dhe arritje në çdo hap të rrugëtimit tuaj."

Skuadra kosovare do të përballet me Vllazninë e Shkodrës në "Loro Boriqi" të enjten e ardhshme, në kuadër të Conference League. Largimi i shtatë lojtarëve vjen pak ditë para kësaj ndeshjeje.

Burim: IndeksOnline — Redaksia ZHURMA