Pse u plagosën katër persona në qendër të Podujevës?

PODUJEVË — Katër persona u plagosën nga të shtënat në qendër të Podujevës të enjten pasdite, pas një përleshjeje mes familjarësh. Të plagosurit u dërguan me urgjencë në Qendrën Klinike Universitare të Kosovës (QKUK) për trajtim mjekësor.

Pamjet dramatike nga vendngjarja tregojnë persona të shtrirë në tokë, ndërsa sipas dëshmive, fillimisht u shkëmbyen fjalë, pastaj u nxorrën armët. Policia raportoi fillimisht për tre të plagosur, por më vonë u konfirmua edhe i katërti. Tre prej tyre janë familjarë të përfshirë në ngjarje, ndërsa i katërti është një kalimtar i rastit.

Ngjarja ndodhi në qendër të qytetit, ku sipas mediave, tensioni mes dy palëve u përshkallëzua shpejt. Policia ka nisur hetimet për të përcaktuar shkaktarët dhe rrethanat e incidentit.

*Burim: Tetova Sot_* — Redaksia ZHURMA_