Pse u sulmua brutalisht një 14-vjeçar në Hasanbeg?

SHKUP — Një djalë 14-vjeçar u plagos rëndë pas një sulmi brutal më 22 qershor në lagjen Hasanbeg, ku u godit me thikë në shpinë nga tre persona të panjohur.

Sipas familjes, i mituri po ecte në drejtim të rrugës “Finska” kur u sulmua pa asnjë arsye. Sulmuesit e rrahën dhe më pas e goditën disa herë me thikë, duke e lënë pa ndjenja. Një kalimtar i rastit e gjeti dhe njoftoi shërbimet e urgjencës.

I plagosuri u dërgua me urgjencë në Qendrën e Emergjencës, ku iu nënshtrua një ndërhyrjeje kirurgjikale. Familja kërkon hetim të shpejtë dhe kapjen e autorëve, ndërsa Ministria e Brendshme konfirmoi se po heton rastin dhe po merren masa për identifikimin e tyre.

Kjo ngjarje vjen pas dhunës së fundit ndaj një 12-vjeçarke në Aerodrom, duke ngritur pyetje për sigurinë e të rinjve në Shkup.

Burim: TV21 — Redaksia ZHURMA