Çfarë thotë Sopa për degët e LDK-së që kërkojnë dorëheqjen e Abdixhikut?

PRISHTINË — Asamblisti i Lidhjes Demokratike të Kosovës, Kushtrim Sopa, ka reaguar pas kërkesave të disa degëve për dorëheqjen e kryetarit Lumir Abdixhiku. Përmes një postimi në rrjete sociale, ai ka deklaruar se nuk është i befasuar nga këto lëvizje.

"Nuk po më vjen aspak çudi", ka shkruar Sopa. Sipas tij, "ende ka njerëz që nuk e pranojnë faktin se LDK-ja duhet të udhëhiqet nga strukturat e saj të zgjedhura".

Sopa ka theksuar se partinë e kanë mbajtur gjallë "vetëm votuesit hakikat e me loqk të shpirtit RUGOVISTA". Ai ka akuzuar "figura të rëndësishme" të partisë se janë udhëhequr nga "partitë tjera, grupet e ndryshme të interesit si dhe grupet mafioze".

Ky reagim vjen në ditët kur degët e LDK-së në Pejë e Lipjan, si dhe më vonë ajo në Klinë, kanë kërkuar publikisht dorëheqjen e Abdixhikut pas rezultateve zgjedhore. Tensionet brenda partisë po thellohen.

Sopa ka mbyllur postimin me një mesazh të prerë: për disa figura që "e kanë pas prioritet interesin e tyre personal", LDK-ja "shumë moti ishim harruar". Kjo tregon një përçarje të thellë mes brezave dhe rrymave brenda partisë.

Burim: IndeksOnline_, https://indeksonline.net/sopa-per-ldk-ne-partine-e-kemi-mbajte-gjalle-votuesit-hakikat/ — Redaksia ZHURMA_