Çfarë kërkon BDI pas vendimit "poshtërues" për emrat e Tetovës?

TETOVË — Bajram Rexhepi nga BDI e cilësoi si "poshtëruese" vendimin e Gjykatës Kushtetuese për emrat e rrugëve dhe shesheve në Tetovë. Ai kërkoi thirrjen e një seance të jashtëzakonshme të Këshillit të Komunës.

Kërkesat e BDI-së synojnë rikthimin e emrave të shesheve dhe rrugëve ashtu siç kanë qenë me vendimin e vitit 2007 të Këshillit të Komunës së Tetovës.

I menjëhershëm qe reagimi i Komunës: vendimi i Gjykatës Kushtetuese u cilësua si "i orkestruar" nga ata që duan të nxisin tensione ndëretnike. Tutje Komuna akuzoi BDI-në se për dy dekada në pushtet nuk e ka zgjidhur çështjen e emërtimit të rrugëve, duke e lënë problemin të pazgjidhur.

Burim: Almakos — Redaksia ZHURMA