Çfarë mesazhi dërgoi Strasburgu për gjuhën shqipe në Maqedoni?

SHKUP — Parlamenti Evropian miratoi një amendament që u bën thirrje autoriteteve të Maqedonisë së Veriut të zgjidhin çështjen e përdorimit të gjuhës shqipe në provimet shtetërore. Mevlan Ademi nga Lëvizja Studentore e falënderoi Brukselin për mbështetjen.

Amendamenti kërkon zbatimin praktik të Marrëveshjes Kornizë të Ohrit, si në aspektin ligjor ashtu edhe në frymën e saj. Ademi e quajti këtë "një mesazh i qartë në mbrojtje të të drejtave gjuhësore." Gjithashtu, PE kërkoi që protestat studentore të mos paraqiten si të motivuara politikisht apo faktor destabilizues.

Studentët shqiptarë në Maqedoni të Veriut protestojnë prej muajsh kundër provimeve të jurisprudencës që nuk ofrohen në gjuhën shqipe, duke e vënë në pikëpyetje zbatimin e Marrëveshjes së Ohrit.

Burim: Almakos, https://almakos.com/strasburgu-per-protestat-e-studenteve-ademi-nje-mesazh-evropian-per-mbrojtjes-e-gjuhes-shqipe/ — Redaksia ZHURMA