Tuchel e frikësojnë Modric e Kovacic para ndeshjes kundër Kroacisë

DALLAS — Thomas Tuchel, përzgjedhësi i Anglisë, ka folur me respekt të madh për Kroacinë në konferencën për shtyp para ndeshjes së parë të Grupit L në Kupën e Botës, e cila zhvillohet të mërkurën mbrëma. Tekniku gjerman e cilësoi kundërshtarin si një prej kombëtareve më të vështira në turnetë e mëdhenj.

“Mendoj se është e qartë se ata ende e kanë bërthamën e ekipit në mesfushë me Mateo Kovacic dhe Luka Modric”, deklaroi Tuchel. Ai veçoi gjithashtu repartin defensiv të fortë dhe faktin që ekipi i Zlatko Dalic mund të luajë me tre mbrojtës. “Kanë përvojë të madhe, një trajner shumë të përvojë dhe tradicionalisht një ekip kombëtar shumë të fortë.”

Tuchel foli edhe për dëmtimin e Tino Livramentos, i cili u largua nga grumbullimi. “Ai ishte shumë i zhgënjyer. Pas ekzaminimeve u konfirmua se mund të mungojë katër deri në pesë javë. Ishte një lojtar shumë i rëndësishëm për ne.” Trajneri u shpreh optimist për gjendjen e skuadrës: “Kam ndjesinë se jemi gati dhe mezi presim të zbresim në fushë.”

Ndeshja mes Kroacisë dhe Anglisë zhvillohet të mërkurën nga ora 22:00 dhe konsiderohet një nga përballjet më interesante të raundit të parë. Tuchel kërkon presion të lartë dhe iniciativë për të mposhtur zemrën e kroatëve — mesfushën me Modric dhe Kovacic.

Burim: Telegrafi_, https://telegrafi.com/tuchel-vlereson-kroacine-para-perballjes-se-kupes-se-botes-kane-pervoje-cilesi-dhe-nje-mesfushe-te-jashtezakonshme/ — Redaksia ZHURMA_