Miridon Mulolli mbyll 1,500 kilometra vrapim nga Gjermania në Prishtinë

PRISHTINË — Boksieri profesionist Miridon Mulolli, 28-vjeçar nga Llapi, pritet të mbërrijë sot në orën 14:00 në sheshin “Nëna Terezë” pas një rrugëtimi prej 1,500 kilometrash nga Gjermani. Mulolli nisi vrapimin më 31 maj nga qyteti Suhl, ku jeton dhe bën karrierë që nga viti 2016.

Rrugëtimi e kaloi atë përmes katër shteteve: Austri, Hungari, Serbi dhe më në fund Kosovë. 15 ditë vrapim dhe ecje — një sfidë që e parapërgatit për meçin e radhës për Titullin e Gjermanisë, të planifikuar më 29 gusht 2026.

Mulolli emigroi në Gjermani në vitin 2016, ku u kualifikua si mjeshtër i automekanikës (Kfz-Meister) përpara se të shpallej kampion në boks. Ai e ka bërë të qartë që ky marshim nuk është vetëm provë fizike: synimi është të frymëzojë të rinjtë e Kosovës që t’i dedikohen sportit dhe lëvizjes.

Kthimi në vendlindje me këmbë, pas një dekade jashtë shtetit, e shndërron mbërritjen në shesh në një akt simbolik që lidh suksesin personal me një thirrje kolektive.

Burim: Lajmi.net — Redaksia ZHURMA