Si u zhvilluan garat e mundjes në sheshin Skënderbeu në Shkup?

SHKUP — Në kuadër të manifestimit “Vera Kulturore e Çairit 2026”, Sheshi Skënderbeu u shndërrua në arenë sportive ku u zhvilluan ndeshje miqësore. Sportistët e rinj të Klubit të Mundjes Shkupi dhe ata të klubit mysafir Ballkanec nga Shtipi u përballën midis tyre para një numri të madh qytetarësh dhe dashamirësish të sportit.

Gjatë kësaj mbrëmjeje sportive u zhvilluan gjithsej gjashtë duele interesante, ku mundësit demonstruan talent, përgatitje fizike, disiplinë dhe shpirt garues. Në përfundim të aktivitetit u ndanë mirënjohje për sportistët, trajnerët dhe përfaqësuesit e të dy klubeve si shenjë vlerësimi për angazhimin e tyre në zhvillimin e sportit.

Manifestimi “Vera Kulturore e Çairit 2026” vazhdon të sjellë aktivitete të larmishme sportive, kulturore dhe artistike. Ky projekt synon ta bëjë Çairin një pikëtakim të qytetarëve, të rinjve dhe talenteve nga fusha të ndryshme.

Burim: Almakos — Redaksia ZHURMA