KQZ nis numërimin e fletëvotimeve me postë nga diaspora

PRISHTINË — KQZ ka nisur numërimin e fletëvotimeve të para nga votimi me postë jashtë Kosovës. Lajmi është bërë i ditur nga zëdhënësi i KQZ-së, Valmir Elezi, i cili konfirmoi se ky proces ka filluar derisa po vazhdon numërimi i votave në përfaqësitë diplomatike.

Sipas Valmir Elezit, deri të premten në orën 21:00 janë numëruar 34 nga 47 vendvotimet nëpër përfaqësitë diplomatike. Krahas këtij procesi, KQZ ka nisur punën me fletëvotimet me postë, të cilat janë sistemuar në kuti votimi sipas komunave përkatëse të votuesve.

Zëdhënësi i KQZ-së saktësoi se aktualisht procesi i numërimit të votave me postë ka nisur me vetëm një kuti votimi. Ky proces po zhvillohet për të përfunduar përpunimin e të gjitha fletëvotimeve të pranuara.

Burim: IndeksOnline — Redaksia ZHURMA