ایک روسی نوجوان کو سوشل میڈیا پر افغان طالبان کے بارے میں ایک پوسٹ پر توہین آمیز تبصرہ کرنے پر مبینہ طور پر 10,000 روبل (تقریباً 103 پاؤنڈ) جرمانہ کیا گیا ہے۔

یہ خبر ایک ایسے وقت میں سامنے آئی ہے، جب ماسکو نے افغانستان کی اس تحریک کے رہنماؤں کی میزبانی کر کے سفارتی تعلقات مضبوط کرنے کی کوشش کی۔

روس سے متعلق خبریں دینے والے ادارے ’میڈیوزا‘ نے ٹیلی گرام چینل ’اوسٹوروژنو نووستی‘ کے حوالے سے رپورٹ کیا کہ19 سالہ یگور اے پر 5 جون کو روس کے شہر روستوف آن ڈان کی ایک عدالت نے جرمانہ عائد کیا۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

یگور کے وی کے (VK) نامی روسی سوشل میڈیا پلیٹ فارم پر کیے گئے تبصرے کا سکرین شاٹ ظاہر کرتا ہے کہ یہ ایک ایسی پوسٹ کے نیچے کیا گیا تھا، جس میں لکھا تھا کہ ’طالبان روس کو گرینیڈز، کشمش، کوکاکولا، قالین اور کپاس سے بھر دیں گے۔‘

اس کے جواب میں یگور نے لکھا: ’یہ لوگ روس میں کیا کر رہے ہیں، غاروں میں رہنے والے۔۔۔‘

دی انڈپینڈنٹ اس اصل پوسٹ اور یگور کے تبصرے کی تصدیق نہیں کر سکا۔

عدالت نے قرار دیا کہ یہ تبصرہ نسلی منافرت کو ہوا دینے کے مترادف ہے۔

پراسیکیوٹرز نے یگور کی دو دیگر پوسٹس کی بھی نشاندہی کی جن میں اس نے ملک میں تارکین وطن کے خلاف تشدد کی اپیل کی تھی۔ میڈیوزا کے مطابق ملزم نے جرم قبول کیا اور ندامت کا اظہار کیا۔

روس کئی مغربی ممالک کے برعکس طالبان کو افغانستان کی قانونی حکومت کے طور پر تسلیم کرتا ہے۔ روس کی سپریم کورٹ نے گذشتہ سال اپریل میں طالبان کی ’دہشت گرد‘ تنظیم کی حیثیت ختم کر دی تھی۔

2003 میں عائد کی گئی یہ حیثیت روس میں طالبان سے کسی بھی قسم کے رابطے کو جرم بناتی تھی۔

اس فیصلے کے بعد روسی حکام افغانستان کے استحکام کے لیے طالبان سے روابط بڑھانے پر زور دے رہے ہیں۔

اسی سلسلے میں طالبان رہنماؤں کو روس کے مختلف فورمز میں شرکت کی دعوت دی گئی ہے۔ مئی میں افغان وزیر دفاع ملا محمد یعقوب نے ماسکو کا دورہ کیا اور ’بین الاقوامی سلامتی فورم‘ میں شرکت کی، جہاں انہوں نے روس کے ساتھ سوویت دور کے افغان اسلحے کی مرمت اور بحالی کے لیے ایک معاہدے پر بھی دستخط کیے۔

روسی سفیر دیمتری زرنوف کے مطابق دونوں ممالک کے درمیان تجارتی تعلقات بھی بڑھ رہے ہیں اور افغانستان روس کو سافٹ ڈرنکس، مصالحہ جات اور خشک میوہ جات برآمد کر رہا ہے۔

افغان طالبان

افغانستان

روس

روس سے متعلق خبریں دینے والے ادارے ’میڈیوزا‘ نے ٹیلی گرام چینل ’اوسٹوروژنو نووستی‘ کے حوالے سے رپورٹ کیا کہ19 سالہ یگور اے پر 5 جون کو روس کے شہر روستوف آن ڈان کی ایک عدالت نے جرمانہ عائد کیا۔

ارپن رائے

بدھ, جون 17, 2026 - 11:30

Main image:

روس کی جانب سے تین جولائی 2025 کو طالبان حکومت کو تسلیم کرنے کے فیصلے کے بعد افغان حکام ماسکو میں افغانستان کے سفارت خانے پر اپنا سفید پرچم آویزاں کر رہے ہیں (افغان سفارت خانہ، ماسکو)

دنیا

type:

news

related nodes:

روس افغانستان میں طالبان کی حکومت تسلیم کرنے والا پہلا ملک

افغان طالبان کی حکومت سے ’مکمل شراکت داری‘ قائم کر رہے ہیں: روس

روس اور افغان طالبان کے درمیان گرمجوشی کی وجوہات کیا؟

ماسکو: افغان سفارت خانہ طالبان کے مقرر کردہ سفیر کے حوالے

SEO Title:

افغان طالبان کے خلاف سوشل میڈیا پوسٹ پر روسی نوجوان پر 100 پاؤنڈ جرمانہ

copyright:

IndependentEnglish

origin url:

https://www.independent.co.uk/news/world/europe/russia-man-fined-taliban-post-afghanistan-b2996550.html

show related homepage:

Show on Homepage