وفاقی وزیر اطلاعات عطا اللہ تارڑ نے اتوار کو افغان طالبان حکومت کی جانب سے باجوڑ میں شہری آبادی کو دانستہ طور پر نشانہ بنانے کی شدید مذمت کرتے ہوئے اسے بین الاقوامی قوانین اور انسانی اقدار کی سنگین خلاف ورزی قرار دیا ہے۔

عطا اللہ تارڑ نے کہا پے کہ 15 مارچ 2026 کو سہ پہر تقریباً 03:30 بجے افغان طالبان کی جانب سے سرحد پار سے خیبر پختونخوا کے ضلع باجوڑ کے علاقے سالارزئی میں آرٹلری اور مارٹر کے ذریعے شہری آبادی پر گولہ باری کی گئی۔

انہوں نے اپنے ایکس اکاؤنٹ پر لکھا کہ اس بزدلانہ حملے میں ایک ہی گھر کو نشانہ بنایا گیا جس کے نتیجے میں چار سگے بھائی ساجد، ایاز، ریاض اور معاذ جان سے گئے، جبکہ ایک پانچ سالہ بچہ شدید زخمی ہوا۔

وفاقی وزیر نے کہا کہ افغان طالبان دہشت گرد تنظیم 'فتنہ الخوارج کے ساتھ مل کر معصوم شہریوں کو نشانہ بنا رہے ہیں، جو ان کی بوکھلاہٹ اور مایوسی کا عکاس ہے۔‘

✅ 15 March 2026

Attack on innocent civilians by Afghan Taliban Regime in Bajaur

▪️ Today on 15th of March 2026 around 1530 hours, Afghan Taliban regime deliberately targeted civilian population through artillery / mortar fire from across the border in Tabesta Letai, Salarzai… pic.twitter.com/M8PdBra2eN

— Attaullah Tarar (@TararAttaullah) March 15, 2026

انہوں نے کہا کہ ’پاکستانی افواج کے آپریشن غضب للحق کے تحت دہشت گردوں کے ٹھکانوں اور بنیادی ڈھانچے پر ہونے والے کاری ضربوں کے باعث دشمن اس طرح کی بزدلانہ کارروائیوں پر اتر آیا ہے۔‘

قبل ازیں پاکستان نے اتوار کو کہا کہ اس نے رات گئے افغانستان میں قندھار کے علاقے میں عسکریت پسندوں کے ٹھکانوں کو نشانہ بنایا۔

پاکستان اور افغانستان کے درمیان تازہ جھڑپیں گذشتہ ماہ 26 فروری کی شب اس وقت شروع ہوئیں جب افغان طالبان کی جانب سے سرحد پر پاکستانی چیک پوسٹوں کو نشانہ بنایا گیا، جس کے بعد سے پاکستان نے اسے ’کھلی جنگ‘ قرار دیتے ہوئے آپریشن غضب للحق کے تحت اپنی جوابی کارروائیاں جاری ہیں۔

اس صورت حال سے خطے کے استحکام کے بارے میں خدشات مزید بڑھ گئے ہیں، خاص طور پر ایسے وقت میں جب امریکہ اور اسرائیل کے ایران پر حملوں کے ردعمل میں تہران کے جوابی حملوں کے باعث اس تنازعے نے مشرقِ وسطیٰ اور اس سے باہر کے علاقوں کو اپنی لپیٹ میں لے لیا ہے۔

پاکستانی وزیرِ اطلاعات عطا اللہ تارڑ نے ایکس پر ایک پیغام میں کہا کہ فوج نے14 اور 15 مارچ کی درمیانی شب قندھار میں حملوں کے دوران سازوسامان ذخیرہ کرنے کی تنصیبات اور ’تکنیکی معاونت کے بنیادی ڈھانچے‘ کو نشانہ بنایا۔

انہوں نے مزید بتایا کہ اب تک افغان طالبان کے 684 کارندے مارے جا چکے ہیں جبکہ 912 سے زائد زخمی ہیں۔

Operation Ghazb-lil-Haq Update 1600 hours 15 March

Summary of Fitna Al Khawarij / Afghan Taliban losses

684 Killed, 912+ Injured 252 Posts destroyed 44 Posts captured and destroyed 229 tanks, armoured vehicles, artillery guns destroyed 73 terrorists and… pic.twitter.com/Q2D3KNJpfi

— Attaullah Tarar (@TararAttaullah) March 15, 2026

خبر رساں ادارے ایسوسی ایٹڈ پریس (اے پی) کے مطابق افغان حکومت کے ترجمان ذبیح اللہ مجاہد نے کہا کہ پاکستان نے دو مقامات کو نشانہ بنایا: ایک ایسا مقام جہاں دن کے وقت سکیورٹی گارڈز موجود ہوتے ہیں لیکن رات کو خالی ہوتا ہے اور ایک منشیات بحالی مرکز جسے معمولی نقصان پہنچا۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

ان کے مطابق ان حملوں میں کوئی جانی نقصان نہیں ہوا، تاہم ان کا کہنا تھا کہ یہ حملے اس بات کا ثبوت ہیں کہ پاکستان ’حملے جاری رکھے ہوئے ہے اور جنگ کی آگ کو ہوا دے رہا ہے۔‘

دوسری جانب افغانستان کی وزارتِ دفاع نے کہا کہ اس نے اتوار کو قندھار میں حملوں کے جواب میں پاکستان کے علاقے جنوبی وزیرستان میں پاکستانی فوج کے ایک کیمپ پر حملہ کیا۔ وزارت کا دعویٰ ہے کہ اس حملے میں کیمپ کے کمانڈ سینٹر اور دیگر تنصیبات کا زیادہ تر حصہ تباہ ہو گیا اور پاکستانی فوج کو بھاری جانی نقصان اٹھانا پڑا۔

تاہم پاکستان کی وزارت اطلاعات نے اس دعوے کو ’پروپیگنڈا‘ قرار دیتے ہوئے مسترد کر دیا اور کہا کہ ایک چھوٹے ڈرون کو مار گرایا گیا جبکہ ’کسی فوجی تنصیب یا بنیادی ڈھانچے کو نشانہ نہیں بنایا گیا۔‘

افغانستان نے یہ بھی کہا کہ اس نے کنڑ اور ننگرہار صوبوں کے پار پاکستان کے اندر کارروائیاں کیں اور دعویٰ کیا کہ اس نے پاکستانی فوج کی ایک چوکی پر قبضہ کر لیا اور کئی فوجیوں کی اموات ہوئیں، تاہم پاکستان نے ان دعوؤں کو بھی مسترد کر دیا۔

Screenshot 2026-03-15 212738.png

پاکستان افغانستان کی طالبان حکومت پر عسکریت پسند گروہوں، خاص طور پر تحریک طالبان پاکستان (ٹی ٹی پی) کو پناہ دینے کا الزام لگاتا ہے، جو پاکستان کے اندر حملے کرتے ہیں اور انہیں انڈیا کی حمایت حاصل ہے، تاہم کابل اور نئی دہلی ان الزامات کی تردید کرتے ہیں۔

دونوں ملکوں کے درمیان حالیہ کشیدگی نے گذشتہ برس اکتوبر میں قطر کی ثالثی میں ہونے والی جنگ بندی کو بھی ختم کر دیا، جو اس سے پہلے ہونے والی جھڑپوں کے بعد طے پائی تھی جس میں درجنوں فوجی، شہری اور مبینہ عسکریت پسندوں کی اموات ہوئی تھیں۔

ایک مقامی سرکاری اہلکار عدنان خان نے بتایا کہ ’اتوار کو افغانستان کی جانب سے داغا گیا ایک مارٹر خیبرپختونخوا کے ضلع باجوڑ میں ایک گھر پر آ گرا، جس کے نتیجے میں ایک ہی خاندان کے کم از کم چار افراد جان سے گئے جبکہ دو زخمی ہو گئے۔‘

دونوں فریق ایک دوسرے پر عام شہریوں کو نشانہ بنانے کے الزامات عائد کر رہے ہیں۔

پاکستان کے صدر آصف علی زرداری نے ہفتے کو کہا تھا کہ افغانستان نے پاکستان کے شہری علاقوں پر ڈرون حملے کر کے ’سرخ لکیر عبور کر لی ہے‘، جس کے چند گھنٹوں بعد پاکستان کی جانب سے افغانستان میں ایک ڈرون ذخیرہ کرنے کی تنصیب پر حملہ کیے جانے کی اطلاعات سامنے آئیں۔

قندھار

افغانستان

افغان طالبان

عسکریت پسند

وفاقی وزیر اطلاعات عطا اللہ تارڑ نے کہا پے کہ 15 مارچ 2026 کو سہ پہر تقریباً 03:30 بجے افغان طالبان کی جانب سے سرحد پار سے خیبر پختونخوا کے ضلع باجوڑ کے علاقے سالارزئی میں آرٹلری اور مارٹر کے ذریعے شہری آبادی پر گولہ باری کی گئی۔

انڈپینڈنٹ اردو

اتوار, مارچ 15, 2026 - 21:30

Main image:

15 مارچ 2026 کو خیبر پختونخوا کے ضلع باجوڑ میں پاکستان اور افغانستان کے درمیان جاری سرحدی جھڑپوں کے دوران جان سے جانے والے چار بھائیوں کی نمازِ جنازہ ادا کی جا رہی ہے (فضل رحمان / اے ایف پی)

پاکستان

type:

news

related nodes:

پاکستان کی افغانستان میں کارروائی پر انڈیا کی تنقید ’بیہودہ‘ اور ’بے بنیاد‘: دفتر خارجہ

افغان طالبان نے ڈرون حملے کر کے ’سرخ لکیر‘ عبور کر لی: صدر زرداری

افغان طالبان نے چند ڈرونز داغے جو مار گرائے: پاکستان فوج

اسلام آباد کی فضائی حدود میں دفاعی نظام نے افغانستان کے دو ڈرون مار گرائے

SEO Title:

افغانستان کی باجوڑ میں شہری آبادی پر گولہ باری بین الاقوامی قانون کی خلاف ورزی: تارڑ

copyright:

show related homepage:

Show on Homepage