زمبابوے نے جمعرات کو شاندار آل راؤنڈ کارکردگی دکھاتے ہوئے میزبان سری لنکا کو اپنے آخری لیگ میچ میں شکست دے کر ٹی20 ورلڈ کپ میں اپنے گروپ کی لیگ مرحلے میں ناقابل شکست ٹیم بن گئی۔

زمبابوے اور سری لنکا پہلے ہی سپر ایٹ میں جگہ بنا چکے تھے لیکن اس میچ میں جیت کے بعد افریقی ٹیم سات پوائنٹس کے ساتھ اگلے مرحلے میں پہنچی۔

مضبوط بولنگ اور ذمہ دار بیٹنگ کی بدولت زمبابوے نے 179 رنز کا ہدف کامیابی سے حاصل کی۔

کولمبو کی سست وکٹ پر سری لنکا نے جارحانہ آغاز کیا اور ابتدائی 29 گیندوں پر بغیر کسی نقصان کے 54 رنز بنا لیے تاہم اس کے بعد زمبابوے کے بولرز نے میچ کا رخ بدل دیا جس کے باعث سری لنکا مقررہ اوورز میں 178 رنز تک محدود رہی۔

ہدف کے تعاقب میں زمبابوے کے اوپنر برائن بینیٹ نے ذمہ دارانہ بیٹنگ کرتے ہوئے 48 گیندوں پر ناقابل شکست 63 رنز بنائے اور اننگز کو سنبھالے رکھا۔ دوسری جانب کپتان سکندر رضا نے فیصلہ کن کردار ادا کرتے ہوئے صرف 26 گیندوں پر 45 رنز کی جارحانہ اننگز کھیل کر ٹیم کو فتح کے قریب پہنچایا۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

زمبابوے نے یہ ہدف اپنے ٹی20 انٹرنیشنل تاریخ کے دوسرے بڑے کامیاب تعاقب کے طور پر حاصل کیا۔ اس فتح کے ساتھ ہی ٹیم نے ٹورنامنٹ میں مسلسل دوسری بڑی کامیابی سمیٹتے ہوئے سپر ایٹ مرحلے میں داخل ہوئی جبکہ میزبان سری لنکا کو اپنے ہی میدان پر غیر متوقع شکست کا سامنا کرنا پڑا۔

ادھر ویسٹ انڈیز نے بھی گروپ مرحلہ ناقابل شکست مکمل کیا، جہاں کربیئین ٹیم نے کولکتہ میں اٹلی کو 123 رنز پر آؤٹ کر کے 42 رنز سے کامیابی حاصل کی۔

سپر ایٹ مرحلے کے اپنے پہلے میچ میں زمبابوے پیر کو ممبئی میں ویسٹ انڈیز کا سامنا کرے گا جبکہ سری لنکا ہفتے کو انگلینڈ کے خلاف میدان میں اترے گی۔

کرکٹ

آئی سی سی ٹی20 ورلڈ کپ

زمبابوے

سری لنکا

ٹی 20 ورلڈ کپ 2026

زمبابوے اور سری لنکا پہلے ہی سپر ایٹ میں جگہ بنا چکے تھے لیکن اس میچ میں جیت کے بعد افریقی ٹیم سات پوائنٹس کے ساتھ اگلے مرحلے میں پہنچی۔

انڈپینڈنٹ اردو

جمعرات, فروری 19, 2026 - 19:00

Main image:

زمبابوے کے بلے باز 19 فروری 2026 کو کولمبو کے آر پریماداسا سٹیڈیم میں کھیلے گئے آئی سی سی مینز ٹی20 کرکٹ ورلڈ کپ کے گروپ مرحلے کے میچ کے دوران کھیلتے ہوئے (اے ایف پی)

کرکٹ

type:

news

related nodes:

زمبابوے کی آسٹریلیا کے خلاف جیت: کیا یہ ٹی 20 ورلڈ کپ کا اپ سیٹ ہے؟

ورلڈ کپ 2026: راشد خان کی ٹی 20 کرکٹ میں 700 وکٹیں

ورلڈ کپ ٹی 20 میں انڈیا کی پاکستان کے خلاف آٹھویں فتح

ٹی 20 ورلڈ کپ: فرحان کی سینچری، پاکستان سپر 8 میں پہنچ گیا

SEO Title:

ورلڈ کپ 2026: ناقابل شکست زمبابوے سپر ایٹ مرحلے میں داخل

copyright:

Translator name:

عبدالقیوم

show related homepage:

Hide from Homepage