Фарсель ЗЫЯТДИНОВ: «Иркәләнер һәм назланыр өчен, Үз җилләрен көтә диңгезләр...»

Язучы, шагыйрь, бакчачы, икътисад фәннәре докторы, Татарстанның атказанган мәдәният хезмәткәре Фарсель Сәхәбетдин улы Зыятдинов 1937 елның 1 июнендә Актаныш районындагы Качкын авылында туган. 1965 елда – Казан дәүләт университетын, 1966 елда авыл хуҗалыгы институтын тәмамлагач, радиотапшырулар редакциясендә һәм телевидениедә хәбәрче булып эшли. 1968 елда СССР Журналистлар берлегенә кабул ителә. Китаплары: «Кызык дөнья» (1974), «Тагын килде язлар» (1991), «Гыйльми белән Белми» (1983), «Изге йорт» (1997). 2021 елның 16 августында вафат булды һәм Биектау зиратында дәфен кылынды. Тууына – 89, вафатына – 5 ел.