XXXVI ДӨНЬЯКҮЛӘМ «ӘДӘБИ МАРАФОН» проектына гаризалар кабул итү бара

Яңалыкка кагылышлы рәсем: Дөньяда "Әдәби марафон" проекты янә әдәбият сөючеләрне кулга китап алырга һәм татар әдәбиятын танытырга чакыра! Гадәттәгечә, җәйге Әдәби марафон, иң беренче чиратта, балалар һәм яшүсмерләр өчен үткәрелә. Ә инде үзләренең уллары һәм кызлары, оныклары белән аларның әти-әниләре, әби-бабайлары һәм апа-абыйлары да катнаша ала. Гаилә белән Әдәби марафонда катнашу һәм гаиләдә туган телне саклау өчен бу менә дигән мөмкинлек! Әдәби марафонның Нигезләмәсе белән https://tat-i.net/tt/adabi-marafon-2026 адресы буенча танышырга мөмкин. «ӘДӘБИ МАРАФОН» проектында катнашу өчен https://vk.com/adabimarathon сылтамасы буенча күчегез.