“Сүзсез театр”. Камал театрында “Гашыйк Кәриб” спектакле премьерасы көтелә

Галиәсгар Камал исемендәге Татар дәүләт академия театрының Көнчыгыш залында М. Лермонтов әсәре буенча «Гашыйк Кәриб» (12+) спектакле премьерасы көтелә. Шул уңайдан театр спектакльнең иҗат төркеме белән очрашу оештырды. Очрашуда спектакльнең режиссеры Сергей Землянский, баш рольләрне уйнаучы артистлар: Илдар Хәйруллин, Ләйсән Гатауллина, Илсаф Нәҗипов, Равил Батыров бар иде.