په اسلام اباد کې له امام باړې سره نېږدې چاودنې لږ تر لږه ۱۲ تنه وژلي دي

د پاکستان له پلازمېنې اسلام اباد سره نېږدې د شیعه ګانو په یوه امام باړه (امام بارګاه) کې چاودنه شوې ده چې پکې یوشمېر کسانو ته مرګژوبله اوښتې ده.د اسلام اباد پولیسو ویلي چاودنه د فبرورۍ پر شپږمه په ترلايي کلان سیمه کې د جمعې لمانځه پر مهال له امام بارګاه بهر شوې ده. پولیس وايي، له لومړنیو پلټنو ښکاري چې دا یو ځانمرګی برید وو خو زیاتوي چې د پېښې نوعیت په اړه کره معلومات به وروسته شریک کړي. د اسلام اباد د پولیسو ویاند تقي جواد د جرمني خبري اژانس (ډي پي اې) ته د "۱۲ کسانو وژل کېدل تایید" کړي...