Goretti Sanmartín será a candidata do BNG á Alcaldía de Compostela

O BNG xa move ficha para as municipais de 2027 en Santiago de Compostela e confirmou esta sexta feira a continuidade de Goretti Sanmartín como candidata á Alcaldía. A actual rexedora compostelá, primeira alcaldesa nacionalista da cidade, foi ratificada por unanimidade pola asemblea local da formación e presentada nun acto no que Ana Pontón reivindicou a xestión do actual Goberno municipal e asegurou que Sanmartín volverá facer historia co “apoio maioritario” da cidadanía.