Duarte Correa, desmontar o imperialismo

"O imperialismo é unha fase do capitalismo" que, segundo defende o profesor e analista internacional Duarte Correa no seu libro O imperialismo no século XXI(Tempo Galiza Editora), segue totalmente vixente e é a "antítese da soberanía". Tras a superación dun mundo unipolar cos EUA como único actor hexemónico capaz de impor as súas normas na sociedade internacional, Correa destaca como unha potencia en declive segue a manter as súas prácticas imperialistas. Así, repasa diferentes contextos e épocas dunha forma didáctica para explicar a evolución dun concepto controvertido.