A CIG inicia en Ferrol os actos do 10 de marzo e chama á mobilización contra a precariedade e a carestía da vida

A CIG iniciou en Ferrol os actos do 10 de Marzo, Día da Clase Obreira Galega, cunha ofrenda floral no monumento que lembra o asasinato dos traballadores Amador Rei e Daniel Niebla en 1972. O sindicato nacionalista convoca 14 mobilizacións por todo o país para reivindicar traballo digno, denunciar a precariedade e manter “viva e vixente” a loita obreira que deu orixe a esta data.