O Concello de Ferrol ampliará o corpo de bombeiros tras as críticas e o incendio de Recimil

O alcalde de Ferrol, José Manuel Rei Varela, anunciou esta segunda feira que o cadro municipal de bombeiros aumentará até os 50 efectivos en 2026. Fíxoo tras se coñecer a morte dunha das catro vítimas do incendio declarado a pasada quinta feira no barrio de Recimil e das críticas pola falta de medios que desde hai tempo denuncia o servizo de emerxencias.