بنو کې موټر بم او ډله ییز برید ۱۴ پولیس وژلي دي
ازادي راډیو : کورپاڼه [Unofficial]
May 10, 2026
د خیبر پښتونخوا په بنو کې د پولیسو پر یوه مرکز موټربم او ډله ییز برید کې لږ تر لږه ۱۴ تنه وژل شوي دي.
رویټرز خبري اژانس د پولیسو د یوه مسول سجاد خان په حواله دغه ارقام خپاره کړي.
راپورونه وایي برید پرون شنبه د پولیسو د مرکز مخته په موټربم سره پيل شو او وروسته یوه ډله نور وسله وال د پولیسو مرکز ته دننه شول.
برید کې د لږ تر لږه ۳ کسانو د ټپي کېدو راپور هم ورکړل شوی دی.
د اتحاد المجاهدین په نوم یوې وسله والې ډلې د برید مسولیت منلی دی.
Discussion in the ATmosphere