Stígur til hliðar eftir tapið í nótt

Sebastian Beccacece hefur látið af störfum sem landsliðsþjálfari Ekvador eftir að liðið féll úr leik gegn Mexíkó í 32-liða úrslitum heimsmeistaramótsins. Samningur argentínska þjálfarans rann út í kjölfar tapsins og hann hefur sjálfur ákveðið að gefa ekki kost á sér í starfið áfram. Beccacece tók við landsliði Ekvador 2024 og fór vel af stað. Hann sætti hins vegar vaxandi gagnrýni fyrir ákvarðanir sínar á yfirstandandi HM. Úrslitin gegn Mexíkó urðu að lokum til þess að hann hefur ákveðið að stíga til hliðar.