Liverpool beinir sjónum sínum annað

Liverpool er þegar farið að horfa annað eftir að Yan Diomande, leikmaður RB Leipzig, valdi Paris Saint-Germain fram yfir enska félagið. Samkvæmt þýskum miðlum beinir félagið nú sjónum sínum að Said El Mala hjá Köln og gæti lagt fram formlegt tilboð á næstu dögum. El Mala, sem er 19 ára gamall eins og Diomande, skoraði 13 mörk og gaf fimm stoðsendingar á síðustu leiktíð. Hann er samningsbundinn Köln til ársins 2030 og hefur einnig verið orðaður við Tottenham og Newcastle.