Kynþokkafyllsta kona í heimi trúlofar sig nokkuð óvænt

Knattspyrnukonan Alisha Lehmann hefur greint frá því að hún sé trúlofuð kærasta sínum, raunveruleikaþáttastjörnunni Montel McKenzie. Lehmann, sem leikur með Leicester og svissneska landsliðinu, deildi gleðifréttunum á Instagram þar sem hún birti myndir af bónorðinu sem átti sér stað í rómantísku fríi við ströndina. Á myndunum sést McKenzie fara á skeljarnar og biðja Lehmann um hönd hennar. Svissneska sóknarkonan virtist yfir sig ánægð og fögnuðu þau síðan með innilegu faðmlagi. „Forever & Always,“ skrifaði Lehmann við færsluna ásamt hjarta.