Ensk og þýsk stórlið horfa til Belgíu

Tottenham og Manchester United eru bæði sögð hafa áhuga á belgíska miðjumanninum Nathan De Cat hjá Anderlecht. De Cat er aðeins 17 ára gamall en er talinn einn efnilegasti miðjumaður Evrópu um þessar mundir. Það verður ekki ódýrt að fá hann til sín í sumar þrátt fyrir ungan aldur. Anderlecht gæti farið fram á að fá rúmar 30 milljónir punda fyrir leikmanninn. Fleiri félög fylgjast einnig með honum, þar á meðal þýsku stórliðin Bayern Munchen, Bayer Leverkusen, Dortmund og RB Leipzig.