Stórmiðlar heimsins tæta Ronaldo í sig eftir gærdaginn - „Skel af knattspyrnumanni“

Cristiano Ronaldo reið ekki feitum hesti í jafntefli Portúgals við Kongó í fyrsta leik liðanna á HM í gær. Hefur hann verið harðlega gagnrýndur af mörgum af stærstu miðlum heims í kjölfarið. Margir horfðu til Ronaldo í kjölfar þess að Lionel Messi setti upp sýningu og skoraði þrennu í 3-0 sigri heimsmeistara Argentínu á Alsír nóttina áður. Ronaldo fylgdi því þó engan veginn eftir. Breska blaðið The Independent sagði hann hafa verið sem styttu inni á vellinum og hélt því fram að Portúgal hefði fórnað enn einu heimsmeistaramótinu fyrir egó stórstjörnunnar.