Башкала татарча сөйләшә

Мәскәүдәге Советлар Союзы Герое, шагыйрь Муса Җәлил исемендәге 1186 нчы этномәдәни татар компонентлы белем бирү мәктәбе – Россия башкаласында татар телен өйрәнергә мөмкин булган бердәнбер белем йорты. Туган телебезне саклап калу һәм үстерүдә әлеге мәктәптә 10 елдан артык эшләп килгән КФУның Каюм Насыйри институты мәгариф-мәдәни үзәге дә зур өлеш кертә. Биредә түләүсез курслар, мәдәни чаралар, татар җәмәгатьчелеге һәм яшьләре белән очрашулар үткәрелә. Татарстанның Мәскәүдәге Тулы вәкаләтле вәкиллеге, башкаладагы татар милли-мәдәни автономиясе белән дә актив эшчәнлек алып барыла.