Язгы кыр эшләренә әзерлек – Актаныш районы җитәкчелеге контролендә

Бүген Актаныш районы башлыгы Ленар Зарипов һәм район авыл хуҗалыгы идарәсе җитәкчесе Нафис Сәлимгәрәев хуҗалыкларда язгы кыр эшләрендә катнашачак техниканың ремонт барышы белән таныштылар. Эшлекле сәфәр барышында җитәкчеләр техника торышы белән беррәттән хуҗалыкларның бүгенге сулышын, коллективларның кәефен һәм язгы чәчү компаниясенә әзерлек дәрәҗәсен дә бәяләде.