Актаныш районы язгы кыр эшләренә әзерлек кысаларында кадрлар мәсьәләсен уңышлы хәл итә

Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров язгы кыр эшләренә әзерләнүнең барышы турында сөйләде. Кыр эшләрен башкару өчен кадрлар мәсьәләсе элеккечә кискен булып кала. Актаныш районы, башка берничә төбәк кебек үк кадрлар мәсьәләсен аларны яңа һөнәргә өйрәтү юлы белән хәл итә.