Бакча Сарайда мөселман бәйрәмнәре турында сөйләштеләр

Бакча Сарай авыл клубында «Мәктәп укучылары өчен мәдәният» федераль проекты кысаларында «Мөселман дөньясында бәйрәмнәр: Гарәфә көне һәм Корбан бәйрәме» дигән мәгълүмат сәгате үткәрелде. Анда төрле милләт балалары, шул исәптән МХОда катнашучыларның балалары да катнашты. Мөдир Асия Фәйзулова һәм Гөлира абыстай балаларга Гарәфә көне һәм Корбан бәйрәме турында сөйләделәр.