Казан сәхнәсе: башкалада «Нәүрүз» халыкара театраль белем бирү фестиваль-форумы ачылды

Казанда «Нәүрүз» халыкара театраль белем бирү фестиваль-форумы ачылды. Ул инде тугызынчы тапкыр оештырыла һәм быел 15–20 июнь көннәрендә үтәчәк. Театр өлкәсендә эшләгән һәр хезмәткәр өчен үз осталыкларын, тәҗрибәләрен арттырырга менә дигән мөмкинлек. Форум Татарстан Рәисе ярдәмендә Татарстан Мәдәният министрлыгы, Театр эшлеклеләре берлеге тарафыннан оештырыла.