Марат Әхмәтов: «КазанФорум» – халыкара хезмәттәшлекнең уникаль мәйданчыгы»

Бүген Татарстан Республикасы Дәүләт Советы Рәисе вазыйфаларын башкаручы Марат Әхмәтов Россия һәм Ислам дөньясы илләренең Халыкара хезмәттәшлек күргәзмәсен карады. Күргәзмә «Россия-Ислам дөньясы: КазанФорум» халыкара икътисадый форумы кысаларында уза, биредә инвестиция һәм инфраструктура проектлары, ислам финанслары, кече, урта һәм эре бизнесның сәнәгать продукциясе тәкъдим ителгән.