{
  "$type": "site.standard.document",
  "bskyPostRef": {
    "cid": "bafyreigstpyqb3uzylqn7biyruu3anczxjinjlcenkhylizisgqnjhzpri",
    "uri": "at://did:plc:wib47ggfushco6az6mwbz77k/app.bsky.feed.post/3mptybidei342"
  },
  "coverImage": {
    "$type": "blob",
    "ref": {
      "$link": "bafkreicslpzabh2nz5rermj4zrhqwrem5ledgsl7d7sbqj7opesmeqhh7q"
    },
    "mimeType": "image/jpeg",
    "size": 175434
  },
  "description": "Bashkëkryetarët e VLEN-it paralajmërojnë nisjen e punimeve për ndërtimin e 10 km të autostradës",
  "path": "/shkup-bllace-autostrade/",
  "publishedAt": "2026-07-04T21:16:25.000Z",
  "site": "https://zhurma.press",
  "tags": [
    "VLEN",
    "Izet Mexhiti",
    "TV21"
  ],
  "textContent": "SHKUP — Bashkëkryetarët e VLEN-it, Izet Mexhiti dhe Bilall Kasami, të shoqëruar nga deputeti Bekim Qoku, sot kanë vizituar pikën kufitare “Bllacë”, nga ku kanë njoftuar se të hënën do të nënshkruhet kontrata me realizuesin e ndërtimeve të pjesës së dytë të autostradës Shkup-Bllacë, përcjell TV21. Kujtojmë se deri tani janë ndërtuar vetëm 2 nga 12 kilometrat e kësaj autostrade.\n\nKasami tha se ky muaj pritet të nisin punimet për ndërtimin e pjesës së II të autostradës Shkup-Bllacë. “Edhe një premtim po bëhet realitet, Shkupi dhe Prishtina po lidhen me autostradë. Nga e hëna, me nënshkrimin e kontratës për realizimin e punimeve të 10 kilometërshit të mbetur nga Shkupi për në Bllacë, do të nisin punët intensive që kjo arterie kryesore e korridorit Kosovë-Maqedoni e Veriut, të bëhet realitet”, tha Kasami.\n\nMexhiti nga ana e tij theksoi se me ardhjen e VLEN-it në qeveri, një ndër projektet e para ka qenë One Stop Shop në “Bllacë” dhe “Jazhincë”. Ai tha se pika kufitare e Bllacës është pika më frekuente në Republikën e Maqedonisë së Veriut. “Arteria kryesore është rruga Shkup-Bllacë, e cila është shumë e përfolur, shumë janë fotografuar, por shumë pak punë kanë bërë”, tha Mexhiti.\n\nBurim: TV21 — Redaksia ZHURMA",
  "title": "Çfarë po ndryshon me autostradën e re Shkup-Bllacë?",
  "updatedAt": "2026-07-05T00:32:52.953Z"
}