Si u përball gruaja e Altin Hilës me arrestimin e burrit në protestë?

TIRANË — Bashkëshortja e protestuesit Altin Hilës deklaroi për News24 se burri i saj u arrestua pa të drejtë gjatë protestës së të enjtes përpara Kuvendit. Ajo thotë se Altini kishte dalë në tubim për të protestuar për fëmijën e tyre të sëmurë.

Pas arrestimit të burrit, gruaja u detyrua të lënte punën për t'u kujdesur për dy fëmijët. Njëri ndër ta ka status invaliditeti dhe është i paralizuar. Ajo deklaroi: "Unë nuk ia dal dot vetëm me dy fëmijët e vegjël. Njërin e kam të paralizuar. Isha në punë kur Altini vinte në protestë por tani e kam lënë punën për fëmijët."

Bashkëshortja shprehu falënderime për solidaritetin e shqiptarëve. Përmes fushatës GoFundMe, u mblodhën mbi 150 mijë euro për djalin e saj të sëmurë. Ajo tha: "I falënderoj të gjithë shqiptarët. Kanë bërë mrekulli për fëmijën tim. 11 vjet po ia dal vetë, me kredi e çdo gjë por shqiptarët janë gjendur edhe për mua si nënë."

Gruaja kërkoi lirim sa më të shpejtë për burrin e saj, duke shpresuar se gjykata do ta lirojë nesër. Ajo iu bashkua sot protestës masive kundër qeverisë përpara Kuvendit, ku merr pjesë edhe diaspora.

Burim: Report Tv — Redaksia ZHURMA