Pse LSDM-ja kundërshton ndryshimet në Kodin Zgjedhor të Maqedonisë së Veriut?

SHKUP — Kryetari i LSDM-së, Venko Filipçe, deklaroi se partia nuk do të mbështesë ndryshimet e propozuara në Kodin Zgjedhor, pasi ato, sipas tij, krijojnë hapësirë për manipulime dhe parregullsi zgjedhore.

Filipçe kritikoi veçanërisht mënyrën e propozuar për votimin e diasporës, duke theksuar se ajo nuk garanton trajtim të barabartë për të gjithë qytetarët me të drejtë vote. "Pse duhet të ketë votim të ndryshëm për diasporën dhe për njerëzit që jetojnë në vend? Pse duhet të lëmë gjurmë gishtash këtu, ndërsa dikush të votojë elektronikisht ose me postë?", pyeti ai, duke kërkuar barazi absolute.

Kreu i LSDM-së shprehu rezervat edhe për ndryshimet në kompetencat e Komisionit Shtetëror Zgjedhor (KSHZ), duke vlerësuar se kufizimi i rolit të tij vetëm në ankesat e evidentuara në procesverbal është i pabazuar.

Burim: Almakos — Redaksia ZHURMA