Si do ta mbështesë Franca Kosovën për Lojërat Mesdhetare 2030?

PRISHTINË — Ministri në detyrë i Rinisë dhe Sportit, Blerim Gashani, ka zhvilluar një takim me Ministren franceze Marina Ferrari gjatë International Meetings on Major Sporting Events (RIGES), ku u konfirmua mbështetja e Francës si një nga aleatët kryesorë të Kosovës për organizimin e Lojërave Mesdhetare 2030.

Gashani theksoi se ngjarja nuk është vetëm një event sportiv, por një platformë zhvillimi që përfshin ekonomi, infrastrukturë, forcim institucional dhe diplomaci sportive. "Lojërat po ndërtohen mbi partneritete të forta dhe një vizion afatgjatë për Kosovën," deklaroi ai.

Në diskutime u veçua rëndësia e rinisë dhe vullnetarizmit, si dhe bashkëpunimi teknik me Francën në fusha si siguria, menaxhimi i eventeve të mëdha dhe ekspertiza operacionale. Akademia e Referimit e FFK-së mund të përfshihet në këto iniciativa.

Burim: Gazeta Metro — Redaksia ZHURMA