Çfarë gjeti Policia e Kosovës në magjistralen Ferizaj-Prishtinë?

FERIZAJ — Policia e Kosovës ka arrestuar tre meshkuj kosovarë në magjistralen Ferizaj-Prishtinë rreth orës 23:30. Gjatë kontrollit të dy automjeteve, policia gjeti një cigare me marihuanë (0.9 gram) dhe 330 euro para të gatshme te njëri nga të dyshuarit.

Kontrollet e mëtejshme në banesën e tyre zbuluan 33 qese me marihuanë (96 gram) dhe katër qese me kokainë (0.34 gram). Gjithashtu janë konfiskuar 1 mijë euro të tjera si prova materiale. Me vendim të prokurorit, të tre të dyshuarit janë dërguar në mbajtje për 48 orë.

Burim: Telegrafi — Redaksia ZHURMA