{
  "$type": "site.standard.document",
  "bskyPostRef": {
    "cid": "bafyreifwa5ijyyscgx3zc2ieqcmcpm27bo4z25ddhgpkb5pexqf3qou2ym",
    "uri": "at://did:plc:wib47ggfushco6az6mwbz77k/app.bsky.feed.post/3mpkxp7l6dnv2"
  },
  "coverImage": {
    "$type": "blob",
    "ref": {
      "$link": "bafkreie7aqynonfz3m7mfhqtqolc73zlsyowqp4pdk2c3vzdauj4izfjyu"
    },
    "mimeType": "image/jpeg",
    "size": 148021
  },
  "description": "Si ndryshuan shifrat e kthimeve dhe cilat shtete anëtare dëbuan më shumë njerëz?",
  "path": "/eurostat-kthimet-shqiptaret-be-tremujori-pare/",
  "publishedAt": "2026-07-01T07:11:51.000Z",
  "site": "https://zhurma.press",
  "tags": [
    "Sinjali"
  ],
  "textContent": "TIRANË — Mbi 2 mijë shtetas shqiptarë u kthyen nga vendet e Bashkimit Evropian gjatë tremujorit të parë të vitit 2026. Të dhënat e fundit të publikuara nga Eurostat tregojnë se Shqipëria renditet e treta mes vendeve të origjinës për nga numri i të rikthyerve, duke u radhitur menjëherë pas Turqisë dhe Gjeorgjisë.\n\nNga statistikat zyrtare rezulton se gjatë kësaj periudhe, 108.475 shtetas të vendeve jashtë bllokut morën urdhër për t’u larguar, por vetëm 34.550 persona u kthyen realisht. Krahasuar me tremujorin e parë të vitit 2025, numri i urdhrave për largim pësoi një rënie prej 12.8%, ndërkohë që numri i kthimeve u rrit me 8.1%.\n\nNë listën e kthimeve reale në vendet e origjinës, Turqia kryeson me 3.555 persona, e pasuar nga Gjeorgjia me 2.060 dhe Shqipëria me 2.050 shtetas, që përbëjnë 5.9% të totalit. Krahasuar me tremujorin e fundit të vitit 2025, numri i shqiptarëve të kthyer shënoi një rritje prej 4.6% në fillim të këtij viti.\n\nSipas raportit, 59.6% e kthimeve u kryen në mënyrë vullnetare, ndërsa 40.4% ishin të detyruara. Ndër shtetet e Bashkimit Evropian që regjistruan numrin më të madh të dëbimeve dhe kthimeve në vendet e treta janë Gjermania me 7.300 persona, Franca me 3.775 dhe Polonia me 2.660 persona të kthyer.\n\n_Burim:_ Sinjali\n_— Redaksia ZHURMA_",
  "title": "Eurostat: Shqipëria e treta në BE për numrin e shtetasve të kthyer",
  "updatedAt": "2026-07-01T08:43:01.640Z"
}