Pse dy vëllezër në Obiliq u përfshinë në përleshje me levë metalike?

OBILIQ — Dy vëllezër u ndaluan për 48 orë pas një përleshjeje fizike në fshatin Raskovë, më 27 qershor, rreth orës 19:30, sipas burimeve të Sinjalit.

Mosmarrëveshja, e cila dyshohet se lidhet me një arë që figuron në emër të babait të tyre, u përshkallëzua deri në përdorimin e një leve metalike. Objektet e përdorura gjatë incidentit janë konfiskuar nga policia, ndërsa njëri nga të dyshuarit u dërgua për ndihmë mjekësore në ambulancën e Obiliqit.

Të dy vëllezërit u intervistuan në prani të avokatëve mbrojtës, dhe u mor deklaratë edhe nga një dëshmitar. Prokuroria e ka kualifikuar rastin si "Lëndim i lehtë trupor" dhe ka urdhëruar ndalimin e tyre për 48 orë në qendra të mbajtjes.

Burim: Sinjali — Redaksia ZHURMA