Pse debuton Baleti Kombëtar i Kosovës në Romë?

ROMË — Baleti Kombëtar i Kosovës do të performojë për herë të parë në kryeqytetin italian më 18 korrik. Shfaqja e njohur “Carmina Burana”, me koreografi nga Toni Candeloro, do të mbahet në Teatro Grande të Accademia Nazionale di Danza di Roma.

Ky projekt realizohet në bashkëpunim me Ambasadën e Republikës së Kosovës në Itali dhe Accademia Nazionale di Danza. Organizimi vjen si rezultat i lidhjeve kulturore në rritje mes dy vendeve, me qëllim promovimin e artit skenik dhe talentit kosovar në skenat ndërkombëtare me traditë të gjatë.

Vepra “Carmina Burana” konsiderohet një nga më të njohurat e repertorit botëror, duke kërkuar një interpretim teknikisht dhe artistikisht të lartë përmes kombinimit të muzikës dramatike dhe lëvizjes skenike. Pjesëmarrja vlerësohet si hap i rëndësishëm për afirmimin e institucionit në skenën evropiane të baletit.

Burim: KultPlus — Redaksia ZHURMA