Pse Mucunski është i zhgënjyer nga përgjigja e Sofjes?

SHKUP — Ministri i Jashtëm i Maqedonisë së Veriut, Timço Mucunski, tha se është "tmerrësisht i zhgënjyer" nga përgjigja e Sofjes zyrtare ndaj publikimit të notës diplomatike lidhur me udhëtimin e familjes së kryeministrit Hristijan Mickoski në Pamporovo, Bullgari, në fillim të vitit.

Mucunski, duke folur në emisionin "Samo Intervju", theksoi se deklarata bullgare nuk përmban asnjë mohim të qartë se dokumenti u rrjedh nga Ministria e Punëve të Jashtme e Sofjes. Përgjigja e vetme, tha ai, ishte se "ka ndodhur shumë kohë më parë" — as mohim i prerë, as sqarim.

Më e pakta çka priste, shtoi Mucunski, ishte "një dënim i publikimit të notës diplomatike" — analogji me reagimin maqedonas ndaj djegies së dy mjeteve diplomatike bullgare para ambasadës në Shkup, kur institucionet maqedonase e dënuan menjëherë. Sofja nuk bëri të njëjtën.

Burim: Telegrafi — Redaksia ZHURMA