Çfarë investimi infrastrukturor pret Universitetin e Shkodrës?

TIRANË — Universiteti i Shkodrës do të përfitojë nga një projekt i ri infrastrukturor, njoftoi ministrja e Arsimit Mirela Kumbaro. Investimi synon përmirësimin e kushteve për studentët, pedagogët dhe veprimtarinë kërkimore-shkencore, si pjesë e angazhimit të qeverisë për universitete moderne me standarde europiane.

Kumbaro zhvilloi sot një takim me rektoren në detyrë të Universitetit "Luigj Gurakuqi", Prof. Dr. Blerta Dragusha, për të diskutuar projektet dhe prioritetet e zhvillimit të institucionit. Sipas ministres, investimi do të krijojë më shumë mundësi për të rinjtë shqiptarë që të studiojnë, kërkojnë dhe inovuan në Shqipëri.

Kumbaro vlerësoi rolin historik të Universitetit të Shkodrës, duke theksuar se ka luajtur "një rol të pazëvendësueshëm në formimin e brezave të tërë profesionistësh". Institucionin e përshkruajti si "qendër të rëndësishme të dijes, kërkimit shkencor dhe zhvillimit rajonal".

Ministrja u zotua se Ministria e Arsimit do të mbështesë plotësisht universitetin në rrugën e zhvillimit, në vazhdimësi të reformave të iniciuara për modernizimin dhe fuqizimin e institucionit.

Burim: ATSH — Redaksia ZHURMA