Çfarë synon Qendra e re Rajonale për Zhvillim në Ferizaj?

FERIZAJ — Kryetari i Komunës së Ferizajt, Agim Aliu, ka njoftuar themelimin e Qendrës për Zhvillim Rajonal për Rajonin e Ferizajt, përmes një postimi në Facebook.

Në aktivitetin e themelimit morën pjesë zëvendësministri i Ministrisë së Zhvillimit Rajonal, Ali Dula, dhe zëvendësministri i Ministrisë së Administrimit të Pushtetit Lokal, Arton Konushevci. Pjesëmarrës ishin gjithashtu kryetarë, nënkryetarë komunash dhe drejtorë të drejtorive për zhvillim ekonomik e turizëm nga komunat e rajonit.

"Në Ferizaj u themelua Qendra për Zhvillim Rajonal ku përfshihen komunat e Rajonit të Ferizajt me prioritet projektet zhvillimore e strategjike për Rajonin 05", ka shkruar Aliu. Sipas tij, qendra do të shërbejë si mekanizëm institucional për bashkërendimin e projekteve zhvillimore, aktiviteteve dhe punëve publike, si dhe për koordinimin e investimeve strategjike.

Aliu theksoi se themelimi synon të forcojë bashkëpunimin ndërmjet komunave të rajonit dhe të krijojë mundësi të reja për zhvillim ekonomik dhe realizimin e projekteve me interes të përbashkët. Me këtë hap, Ferizajt i bashkohet prirjes së qeverisë për të krijuar struktura rajonale — një model që shihet edhe në ndarjen e fundit të 1 milion eurove për projekte komunale.

Burim: Ekonomia Online — Redaksia ZHURMA