Çfarë i tha Ferati degëve të LDK-së që kërkojnë dorëheqjen e Abdixhikut?

ISTOG — Ilir Ferati, kryetar i Komunës së Istogut, ka dalë në mbrojtje të kryetarit të LDK-së, Lumir Abdixhikut, pas kërkesave nga tri degë të partisë që ai të japë dorëheqje. Ferati e sheh përgjegjësinë si të fillojë nga niveli lokal.

"Përgjegjësia e një kryetari të degës, që është kryetar komune, është direkte," ka thënë Ferati në Debat Plus. Sipas tij, struktura e degës dhe ekzekutivi komunal janë të ndërlidhura me zgjedhjet lokale e nacionale, dhe përgjegjësia nuk mund të zhvendoset tek të tjerët.

Ferati e quajti joetike, jo-fer dhe "jashtë rendi të shtëpisë" të kërkohet përgjegjësi nga dikush tjetër për dështimet e veta. "Moralisht do të duhej të fillohej nga vetja," shtoi ai, duke iu drejtuar kryetarëve të degëve që kërkojnë largimin e Abdixhikut.

Kjo është hera e parë që një kryetar komune i LDK-së del publikisht kundër presionit brenda partisë për dorëheqjen e kryetarit, duke e zhvendosur debatin tek përgjegjësia e strukturave lokale që dolën dobët në zgjedhje.

Burim: Insajderi — Redaksia ZHURMA