Pse Bullgaria çoi Maqedoninë e Veriut para Këshillit të Evropës?

SHKUP — Eurodeputetja bullgare Denica Saçeva i dërgoi letër Presidentit të Asamblesë Parlamentare të Këshillit të Evropës, Pablo Espan, duke paralajmëruar për "sulme të vazhdueshme dhe shqetësuese" ndaj institucioneve dhe qytetarëve bullgarë në Maqedoninë e Veriut. Letra u dërgua para sesionit veror të PSSE, i cili nisi më 22 qershor në Strasburg.

Saçeva renditi një seri incidentesh: djegia e dy makinave diplomatike përpara ambasadës bullgare në Shkup, sulmi ndaj Qendrës Kulturore Bullgare në vitin 2023, vandalizmi ndaj ambasadës në janar 2026, zjarrvënia e Klubit Kulturor Ivan Mihajllov në Manastir dhe sulmi ndaj Hristijan Pendikov, sekretarit të Klubit Kulturor Car Boris III në Ohër.

MEP-ja e lidhi situatën me retorikën negative kundër Bullgarisë dhe bullgarëve në debatet politike maqedonase, me reagimin e pamjaftueshëm ndaj gjuhës së urrejtjes dhe me mungesën e parandalimit efektiv ndaj autorëve. Ajo vlerëson se këto raste tregojnë "një trend të vazhdueshëm armiqësie" — jo incidente të izoluara.

Burim: Telegrafi — Redaksia ZHURMA